الأقصر تدعوا العالم لزيارة مصر

كتب/عبدالمنعم عبدالعظيم
من امام معبد الأقصر التليد بمسلته الشاهقة وأبراجه العالية وتاريخه العريق حيث يمتزج بمعمار المسجد والكنيسة وعلى ربوة عالية مسجد سيدى ابوالحجاج الاقصرى المقام فوق كنيسة قيطية اقيمت فوق قاعة معبد فرعونى قديم كان العالم يشهد الدعوة التى وجهها شباب مصر والاجانب المقيمين بالأقصر من خلال موقع (مصر تتقدم للامام ) لكل العالم لزيارة مصر
وانطلق صوت الدكتور عبدالحليم محمود رئيس هيئة الاثار السابق واستاذ الاثار الاشهر يناشد العالم بكل اللغات العربية والانجليزية والهولندية ولاول مرة باللغة المصرية القديمة الهيروغليفية لزيارة مصر اصل الحضارة ومهد التقدم
ومن طيبة الاقصر عاصمة مصر القديمة والتى تحمل ثلث اثار العالم وبكل اللغات والكلمة والأغنية والرقصات الشرقية يتعالى صوت الربابة والمزمار البلدى مع احدث تقنيات الموسيقى العالمية والقصيدة الشعرية كان العالم كله يبتهج فرحا بثورة مصر ويفخر تيها بشباب مصر فرق من الاقصر والقاهرة وفرق اجنبية كانت كل وكالات وشركات السياحة والسفر تقدم برامجها وتساهم فى هذا الحدث كما شارك الفنان فرنسيس امين ذاكرة الأقصر بمعرض للصور التراثية ومعارض للفنون البيئية واليدوية والاثرية التى تشتهر بها المدينة
كانت الفكرة لشاب اقصرى يعمل فى السياحة هو ياسر الصحابى قام هو وزملائه من الشباب بتوجيه الدعوة للأجانب المقيمين يالاقصر لدعوة عدد من الاجانب وساهمت نقابة الاثريين بالاقصر بجهد كبير فى الدعوة والاعداد ودعوة مندوبى الصحف والاذاعات ووكالات السفر
كانت اعلام مصر ترفرف فى الساحة التى امتلئت بالاف الاجانب والمصريين فى تلاحم رائع بين الكلمة والفن والحضارة
عبدالمنعم عبدالعظيم .
.

متاعب جدو منعم
يكتبها عبدالمنعم عبدالعظيم
الهلال الاحمر بالاقصر
التقيت بالسيدة الحاجة مديحه حمادة مديرة مركز إعلام الأقصر ورئيسة جمعية الهلال الأحمر بالأقصر وزكرتنى بكيف تأمر سمير فرج عليها وهدم مقر الجمعية قم غير مجلس إدارتها وتسال اين ست صناديق كانت تمول الجمعية وأين ذهبت هذه الإيرادات وانا معها اسأل أين ذهبت هذه الصنادبق وايراداتها
الأجانب بالافصر يدعون العالم لزيارة مصر الثورة
مجموعة من المرشدين السياحيين بالاقصر والاجانب المقيمين بها انشاوا موقعا اليكترونيا يدعو لتنشيط وعودة السياحة وسيقيمون احتفالية الساعة الثالثة بعد طهر الجمعة 26 فبراير دعوا اليها منوبى وكالات السياحة والسفر وهيئات تنشيط السياحة والصحفيين السياحيين وشخصيات عامة مصرية واجنبية شكرا للاجانب المقيمين بالاقصر ولنتضامن جميعا مع حملتهم.
الموقعwww.egyptmovingforward,com
السياحة الداخلية
وحتى تعود السياحة لمصر فان السياحة الداخلية والعربية يمكن ان تساهم فى التنمية السياحية افتحوا باب الرحلات الداخلية ويسروا هذه الرحلات فالمصريين الان يجب ان يعرفوا مصر تاريخا وحضارة
التطهير قادم
عمنا فلان الفلانى احد أقطاب الحزب الوطنى يوزع استمارات عضوية حزب جديد اسمه حزب الحرية اسسه نواب الوطنى الذين ركبوا موجة الثورة حرصا على مقاعدهم وهم من هم فى الحزب الذى تركوه
فلان الفلانى رمز من رموز الفساد بدء حياته يتسول السياح بشارع البحر بقشيش بقشيش ثم تاجر بالعملة والاثار وكون امبراطورية سياحية ثم اتجه الى العمل السياسى فى الحزب الوطنى ولم يترك فرصة الا واستغلها حتى الاراضى التى وزعها سمير فرج على المحاسيب مجانا
التطهير قادم ...... قادم......قادم
فندق الثورة
فندق اشنهر بالروف الذى من ضمن خدماته الحفلات الراقصة و...... وتقديم المشروبات الروحية غير اسمه الى فندق التحرير وسمى مطعمه كوفى شوب 25 يناير ووضع علم مصر بعرض الحائط صحيح اللى اختشوا ماتوا
مركز ارمنت
حتى الان يظل حريق مركز شرطة ارمنت لغزا فالناس لم تشارك فيه واهل ارمنت اكبر من التخريب

مجرد ملاحظات
كتب : عبدالمنعم عبدالعظيم
• المظاهرات والاعتصامات والمطالبات الفئوية ليس الان موعدها حتى تتفرغ القوات المسلحة لمهامها فى نقل السلطة الى هيئة مدنية ومؤسسات دستورية تمتلك شرعية التغببر
• البلطجة والاستيلاء على الاراضى الزراعية والاعتداء علىالمال العام جريمة لايجب التهاون مع مرتكبيها ولابد من مواجهتها بحسم حتى لاتفقد الدولة هيبتها
• ازالة صورة السيدة سوزان مبارك من مطبوعات مكتبة الاسرة ليس له مبرر لانه مشروعها الحضارى وإسهامها المضيء فى تيسير الثقافة رغم كل ما حدث
• المجلس القومى للمرأة يجب الا يترك بدون قيادة ولا منتظرين حرم الرئيس القادم
• الاستقالات من الحزن الوطنى هل ستحل مشكلة نوابه وهل ستصدق الجماهير هؤلاء اللى على كل لون ياباتسطه وخدام كل نظام

سالت الحمار الواقف امام مديرية الطب البيطرى بالاقصر بشارع خالد بن الوليد
واقف هنا ليه
اجابنى مستنى الدكتور
شارع خالد بن الوليد هو شارع الفنادق السياحية وبه فنادق ايزيس ووسونستا وميرديان ونصف فنادق الاقصر

,واخيرا تحقق الحلم

واخيرا تحقق الحلم
كتب عبدالمنعم عبدالعظيم
لو نمت احلم ان ثورة 25 يناير فى مصر ثورة الشباب لما حلمت بإمكان هذا الشباب الثائر أن يحقق التغيير وان يزيح غمة النظام وان يتنحى مبارك رئيس جمهورية مصر الملكية
كان فى ظنى إن مصر لن يغير نظامها غير الجيش ولن يزيح السلطة إلا انقلاب عسكرى او ان ينتهى النظام بالموت ثم تبدأ عملية التوريث
وعندما خرجت مظاهرات الشباب الحاشدة ظننت أن الشرطة ستواجهها بشراسة وتجهضها لصالح النظام ومن لم يمت يعتقل كما تعودنا وقد حاولت شرطة العادلى هذا ولكنها فشلت أمام الحشود الهائلة وانشارها فى كل مكان
كانت الثورة فى قمة غليانها ثورة سلمية ومتحضرة نموذج جديد لشباب واعى محدد الهدف لم يترك لاحد فرصة الاندساس او ركوب الموجة او اجهاضها من داخلها
كانت ثورة بدون قوة مسلحة وثورة شعبية 100% وشبابية وواعية ونظيفة
ولقد استطاعت القوات المسلحة ان تحمى الثورة بوعى أيضا وإحساس بالمسئولية فمهدت للثورة الاستمرارية
كانت الثورة تفرض اجندتها على الاعلام المحلى والعالمى ولم يكن الشباب فى حاجة اصلا الى اعلام فكان صوتهم اعلى من كل المكتوب والمسموع والمرئى
انهت الثورة قبل ان تنهى حكم مبارك مزايدات بهلوانات الأحزاب ومن حاول ركوب الموجة
ورغم ان تنظيم الإخوان المسلمين تواجد الا ان الثورة لم تضعه فى موقع القيادة او الصدارة
لقد وحد الشباب مصر مسلميها ومسيحييها وأطفئوا الفتنة الطائفية
وعندما اتيحت الفرصة للنظام للمناورة لم يقبل الشباب الخداع وساروا الى هدفهم لم يخافوا ولم يجبنو بل وقتلو الخوف الجاثم فوقنا
واستطاع الشباب ان يفجر الثورة فى كل مكان من الاسكندرية الى اسوان
والان يجب على هذا الينبوع الذى تفجر والذى روى بدمائه الطاهرة ارض ميدان التحرير ان يقف صامدا أمام كل تخاذل
واامل من القوات المسلحة التى يأتمنها الشعب عل مكتسباته ان تعجل باتخاذ إجراءات نقل السلطة سلميا وتستمد من الشرعية الثورية مايمكنها من اصلاح الفساد بحل مجلسى الشعب والشورى المزورين وتنقية الدستور من كل قيد على حرية الوطن والمواطن ومن كل ما وضعه ترزية القوانين من مواد مقيدة للحرية
لقد انتهى الى غير رجعة الحزب الوطنى لانه حزب يدور مع السلطة وسيهرول اعضائه الى اى حزب جديد يحسون انه مع السلطة
ولكن حرية تشكيل الاحزاب وحرية حركتها فى العمل السياسى سيقودنا الى ديمقراطية حقيقية واعتقد ان الثورة ستحقق إمكانية تخليص هذه الأحزاب من المرتزقة والأفاقين والهياكل الآدمية التى أكل عليها الدهر وشرب والتى تحكم حركتها
ان معركة الإنتاج هى المعركة القادمة حتى ننمى مصر
ان تنمية بشرية حقيقية نحتاجها وقبل كل شىء حق كل مواطن فى مجتمع امن وعيش امن ومسكن امن وبلد امن لا مكان فيه للمستغلين والبطالة
تحية لشباب 25 يناير فقد علمونا واعطونا دروسا فى الإصرار والصمود والتحدي
لقد صنعو اول ثورة شعبية فى التاريخ تطيح بحاكم ملكى الهوى حاول ان بتشبث بموقعه ولو على دماء كل الشعب
واامل الا تستمر القوات المسلحة كثيرا لان عسكرة الثورة امر خطير واامل فى انتخابات مبكرة تستلهم ثورة الشباب وتحقق احلامهم
عبدالمنعم عبدالعظيم

قصيدة رائعة لاحمد فؤاد نجم
مناسبة لما حصل اليوم وامس
،،،،،،،،
فعلا صح لسانك سيبنا وغور
،،،،،،،،،،،،،،


كأنك مفيش ..
برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..
***
يا فرحة قلوبنا رئيسنا ظريف ..
فُكهي ..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش !!
***
مسيِّب علينا عصابة حبايبك
فضايح وسرقة ونهب بسبايبك
مابين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش !!
***
باعونا فـ حضورك ..
ببركة عِبـيدك وغالي وسرورك
باعوا الأراضي .. وكل المصانع
وباعوا البنوك ..
وقدَّام عِنيك .. صوتنا إتـنبح ..
ننادي عليك ..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش !!
***
دوشتوا دماغنا ” بجمال ” طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!
***
ورحمة أبوك .. مادام أنت قاعد
عيب لمَّا عُصبة نَـوََر يسحبُوك
م تُقبض عليهم .. م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش
***
ياريس علىّ الطلاق تعبانين !!
ياريس علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا ريس تلم الديابه ؟!!
ده شعبك غلابه ..
ومليان طيابه ..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس ” شريفك ” ماهوَّاش شريف !!
” نظيفك ” يا ريس ماهوَّاش نظيف !!
وحتى ” حبيبك ” ماهواش حبـيب !!
وأنا غصب عني .. خلاص إستويت ..
بـ غـُلبي إنحنيت ..
وطلعان عنيا .. وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفـُك طُوقـك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب ..
لقيتكم سيادتك منعتوا الكلام !!
فقررت أحلم ..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!
***
حلمت إني شعب ..!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ “أولاد علي”
ورجلي على جزع نخلة فـ “حلايب”
ومرتاح براسي على حِجْر مصر
وشوفتك ياريس ..كأنك ولي ..
كأنك نبي ..
فـ إيدك عصاية وليك معجزات
وانا فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك ..
هننسى الأسية .. !!
أمانه عليك ..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و” الكتاب ” فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .. وعدته بدور
لملم عيالك .. وجمَّع فـ مالك
وإسحب ” جمالك ” وسيبنا وغور

قصيدة الميدان للابنودى

شعر: لترحل دولة العواجيز؛ قصيدة 'الميدان'

ويامصر قام العليل رجعتله أنفاسه... وباس جبين الوطن.. مال الوطن باسه

ميدل ايست أونلاين

بقلم: عبد الرحمن الأبنودي

أيادي مصرية سمرا ليها في التمييز
ممدودة وسط الزئير بتكسّر البراويز
سطوع لصوت الجموع شوف مصر تحت الشمس
آن الآوان ترحلي يا دولة العواجيز
عواجيز شداد مسعورين
أكلوا بلادنا أكل.. ويشبهوا بعضهم نهم وخسة وشكل
طلع الشباب البديع قلبوا خريفها ربيع
وحققوا المعجزة.. صحّوا القتيل من القتل
اقتلني! قتلي ما هيعيد دولتك تاني
باكتب بدمي حياة تانية لأوطاني
دمي ده ولّا الربيع؟ الاتنين بلون أخضر
وبابتسم من سعادتي ولّا أحزاني؟
تحاولوا ما تحاولوا.. متشوفوا وطن غيره
سلبتوا دم الوطن وبشيمتوا* من خيره
أحلامنا.. بكرانا.. أصغر ضحكة على شفة
شوفتوشي صياد ياخلق بيقتله طيره؟
السوس بينخر وسارح تحت إشرافك
فرحان بهم كنت وشايلهم على اكتافك
وأما أهالينا من زرعوا وبنوا وصنعوا
كانوا مداس ليك ولولادك وأحلافك
ويامصر قام العليل رجعتله أنفاسه
وباس جبين الوطن.. مال الوطن باسه
من قبل موته بيوم صحوه أولاده
من كان سبب علّته محبته لناسه
الثورة فيضان قديم محبوس ماشافوش زول
الثورة لو جت ماتبنش في كلام أو قول
تقلب وتعتل في سرية
تفور في القلب وتنغزل فتلة فتلة في ضمير النول
متخافش على مصر يابا.. مصر محروسة
حتى من التهمة دي اللي فينا مدسوسة
ولو انتا أبوها بصحيح وخايف عليها قوي
تركتها ليه بدن بتنخره السوسة؟!
وبيسرقوك يالوطن قدامنا عيني عينك
ينده بقوة الوطن ويقولي: قوم.. فينك؟!
ضحكت علينا الكتب.. بعدت بنا عنك
لولا ولادنا اللى قاموا يسددوا دينك
لكن خلاص ياوطن صحيت جموع الخلق
قبضوا على الشمس بإديهم وقالوا لأ
من المستحيل يفرطوا عُقد الوطن تاني
والكدب تاني محال يلبس قناع الحق
بكل حب الحياة خوَّط في دم أخوك
قول إنت مين للي باعوا حلمنا وباعوك.. أهانوك وذلّوك
ولعبوا قمار بأحلامك
نيران هتافك تحرر صاحبك الممسوك
يرجع لها صوتها.. مصر تعود ملامحها
تاخد مكانها القديم والكون يصالحها
عشرات سنين تسكنوا بالكدب في عروقنا؟
والدنيا متقدمة ومصر مطرحها
كتبتوا أول سطور في صفحة الثورة
وهما عُلما وخٌبرا مِداورة ومناورة
وقعتوا فرعون هرب من قلب تمثاله
لكن جيوشه مازالوا يحلمه ببكره
صباح حقيقي.. ودرس جديد قوي في الرفض
أتاري للشمس صوت.. وأتاري للأرض نبض
تاني معاكم رجعنا نحب كلمة مصر
تاني معاكم رجعنا نحب ضحكة بعض
مين كان يقول ابننا يطلع بنا من نفق
دي صرخة ولّا غنا؟ وده دم ولّا شفق؟
أتاريها حاجة بسيطة الثورة ياخوانّا
مين اللي شافها كده؟ مين أول اللي بدأ؟
مش دول شبابنا اللي قالوا كرهوا أوطانهم؟!
ولبسنا توب الحداد وبعدنا قوي عنهم؟!
همّا اللي قاموا النهارده يشعلوا الثورة
ويصنّفوا الخلق مين عانهم ومين خانهم
يادي الميدان اللي حضن الفكرة وصهرها
يادي الميدان اللي فتن الخلق وسحرها
يادي الميدان اللي غاب اسمه كتير عنه وصبرْها
ما بين عباد عاشقة وعباد كارهة
شباب.. كإن الميدان أهله وعنوانه
ولا في الميدان نسكافيه ولا كابتشينو
خدوده عرفوا جمال النوم على الأسفلت
والموت عارفهم قوي وهمّا عارفينه
لا الظلم هين يا ناس ولا الشباب قاصر
مهما حاصرتوا الميدان عمره ما يتحاصر
فكرتني يالميدان بزمان وسحر زمان
فكرتني بأغلى أيام في زمن ناصر
شايل حياتك على كفّك.. صغير السن
ليل بعد يوم المعاناة وإنت مش بتئن
جمل المحامل وانت غض
باتعجب إمتى عرفت النضال إسمحلي حاجة تجنّ
أتاريك جميل ياوطن مازلت وهاتبقى
زال الضباب وانفجرت بأعلى صوت.. لأه
حرضتنا نبتسم ودفعت إنت الحساب
وبنبتسم بس بسمة طالعة بمشقة
فينك يا صبح الكرامة الّا البشر هانوا
وأهل مصر الأصيلة إتخانوا واتهانوا
بنشتري العزة تاني والثمن غالي
فتح الوطن للجميع قلبه وأحضانه
الثورة فيض الأمل وغنوة الثوار
الليل إذا خانه لونه يتقلب لنهار
ضج الضجيج بالنِدا إصحى يافجر الناس
فينك ياصوت الغلابة وضحكة الأنفار؟
واحنا وراهم أساتذة خايبة تتعلم
إزاي نحب الوطن وإمتى نتكلم
طال الصدأ قلبنا ويأسنا من فتحه
قلب الوطن قبلكم كان خاوِ ومضلّم
أولنا في الجولة. لسّه جولة ورا جولة
ده سوس بينخر يابويا في جسد دولة
أيوة الملك صار كتابة
إنما أبدا لو غفلت عينّا لحظة هيقلبوا العملة
لكن خوفي مازال جوة الفؤاد يكْبِش
خوف اللي ساكن شقوق القلب ومعشش
يقوللي مش راح يسيبه
ولسه هيقبّوا وهيلاقولهم سكك وبِبان متتردش
وحاسبوا قوي من الديابة اللي في وسطيكم
وإلّا تبقى الخيانة منّكم فيكم
الضحكة عالبُق بس الرك عالنيات
فيهم عدوِّين أشد من اللي حواليكم
عبد الرحمن الأبنودي